Төв аймгийн Засаг дарга Д.Мөнхбаатар, Монгол банкны дэд Ерөнхийлөгч Г.Энхтайван нар орон нутагт шилжин суурьшсан иргэд, аж ахуйн нэгжүүдийг цогц бодлогоор дэмжих зорилтын хүрээнд “Санамж бичиг” байгууллаа. Уг “Санамж бичиг”-ийн хүрээнд орон сууцны хөнгөлөлттэй зээл олгох санхүүжилтийн эх үүсвэр нэмэгдэх юм.
Ингэснээр Зуунмод хотын шинэ суурьшлын бүсэд баригдаж байгаа орон сууцнууд /1000 айлын орон сууц, 2 дугаар ээлжийн 2000, 3 дугаар ээлжийн 1500 орон сууц/, сумдад баригдаж байгаа Төрийн албан хаагчдын орон сууцыг иргэд бага хүүтэй ипотекийн зээлээр худалдан авах боломжтой болж байна.