Өнөөдөр /2022.09.29/ Нутгийн иргэдэд түшиглэсэн аялал жуулчлалд зориулсан “Манай нутгаар зочлоорой” номын нээлт боллоо.
Монгол улсын Байгаль орчин, аялал жуулчлалын яам, Германы олон улсын хамтын ажиллагааны нийгэмлэгтэй (GIZ), хамтран хэрэгжүүлж буй “Тусгай хамгаалалттай газар нутгуудад дэмжлэг үзүүлэх замаар экосистемийг хадгалан хамгаалахад хувь нэмэр оруулах нь” (SPACES) төслийн дэмжлэгтэйгээр Хүн төвтэй байгаль хамгаалал ТББ-аас “МАНАЙ НУТГААР ЗОЧЛООРОЙ” номыг боловсруулан гаргажээ.
“Манай нутгаар зочлоорой” номын нээлтэд аймгийн ИТХ-ын дарга Г.Пүрэвганди, Германы олон улсын хамтын ажиллагааны нийгэмлэг (GIZ), аймгийн БОАЖГ, ХУНТХГНЗ, Монголын аялал жуулчлалын холбоо, Ховд аймгийн аялал жуулчлалын холбоо, НИТАЖ-ын чиглэлээр үйл ажиллагаа явуулдаг нөхөрлөл, хоршоодын төлөөлөл оролцлоо.
Тус ном нь 17 хэсгээс бүрдэх ба нутгийн иргэд хэрхэн аялал жуулчлалын бизнес эрхлэх тухай хууль эрх зүй, санхүү, төлөвлөлт, эрүүл ахуйн стандарт, хог хаягдлын менежмент, аюулгүй байдал зэрэг нөхөрлөлүүдэд тулгардаг олон асуудлуудыг багтааж оруулснаараа чухал ач холбогдолтой юм.
