Аймгийн ГХУСАЗСЗ, ИТХ-ын дэргэдэх Иргэний зөвлөл, Булган аймаг дахь Цагдаагийн газар хамтран “Архидан согтуурах”, “Гэр бүлийн хүчирхийлэл”, “Хүүхдийн эсрэг гэмт хэргээс урьдчилан сэргийлэх, тулгамдаж буй асуудал" сэдвээр төрийн болон ТББ-ын төлөөлөл, багийн Засаг дарга, нийгмийн ажилтнуудад хэлэлцүүлэг зохион байгууллаа.
Хэлэлцүүлгээр Иргэний Зөвлөлийн дарга М.Даваадорж , Булган аймаг дахь Цагдаагийн газрын Дэд бөгөөд Эрүүгийн цагдаагийн тасгийн дарга, цагдаагийн дэд хурандаа Б.Баттулга нар аймгийн хэмжээнд энэхүү төрлийн гэмт хэрэг, зөрчлийг бууруулах бодитой ажил арга хэмжээг хамтран зохион байгуулж ажиллах чухал байгааг илэрхийлж, хэлэлцүүлэгт оролцогчдын санал хүсэлтийг сонслоо.
