ИТХ-ын ээлжит XI хуралдаан 2022 оны 12 сарын 16-нд хуралдаж 8 асуудлыг хэлэлцэн 2023 оны төсвийг батлав.
Сумын иргэдийн Төлөөлөгчдийн Хурлын ээлжит XI хуралдаан 2022 оны 12-р сарын 16-нд хуралдаж 8 асуудал хэлэлцэн 5 тогтоол шийдвэр гарсан. Хурлын ирц 81%-тай хуралдсан. Хуралдаанаар дараахь асуудлыг хэлэлцсэн:
- Сумын ИТХ-ын 2022 оны үйл ажиллагааны болон хороодын тайланг танилцуулсан.
- Сумын Засаг даргын 2020-2024 оны үйл ажиллагааны мөрийн хөтөлбөрийн 2022 оны хэрэгжилтийг хэлэлцэн 94,1%-ийн саналаар хангалттай үнэлгээ өгсөн.
- Төсөвт байгууллагуудын 2022 оны үйл ажиллагааны тайланг сонссон. Үүнд: Ерөнхий боловсролын сургууль, Хүүхдийн цэцэрлэг, Эрүүл мэндийн төв, Соёлын төв, Тамгын газар.
- Сумын 2023 оны хөгжлийн төлөвлөгөөний төслтэй танилцсан.
- 2022 оны газар зохион байгуулалтын тайлан, 2023 оны газар зохион байгуулалтын төлөвлөгөөг хэлэлцэн баталсан.
- Хог хаягдлын хураамжийг хэлэлцэн баталж Хууль зүй, дотоод хэргийн яаманд хянуулахаар хүргүүлээд байна.
- ИТХ-ын бүтэц орон тоог шинэчлэн баталж ажлын албыг 3 хүний бүрэлдэхүүтэй ажиллахаар баталсан.
- 2021 оны төсвийн гүйцэтгэл, 2023 оны төсвийн төслийг хэлэлцэн батлаж 2023 онд ОНХС-ийн хөрөнгөөр 21 ажлыг 1,107,642,800 төгрөгөөр хийхээр баталсан.
