Өмнөговь аймгийн Өвс тэжээлийн аюулгүйн нөөцөд орон нутгийн төсвийн хөрөнгө оруулалтаар бэлтгэсэн өвсний үнийг боодол тутамд 55%, хивгэн тэжээлийн үнийг шуудай тутамд нь 30%, Говийн оюу хөгжлийг дэмжих сангийн хөрөнгө оруулалтаар бэлтгэсэн ногоон тэжээлийн үнийг 50%, сумдын нөөцөд бэтгэсэн өвсний үнийг 55%-р тус тус хөнгөллөө.
Тогтоосон үнээр малчин, мал бүхий өрхөд борлуулах түр журам гарсан бөгөөд аймгийн Хүнс Хөдөө аж ахуйн газар, Онцгой байдлын газар, сумдын Засаг дарга нарт холбогдох үүрэг чиглэл өгсөн.
Манай аймгийн 15 сумын 59 багт 6678 өрхийн 2,7 сая гаруй толгой мал сүргийн өвөлжилт, хаваржилт хүндэрч байна!
Цагийн хэцүүг хохирол багатай даван туулах, аливаа эрсдэлээс урьдчилан сэргийлэх, малчдад дэмжлэг үзүүлэх чиглэлээр тодорхой ажлууд хийгдэж байгаагийн нэг нь энэхүү үнийн хөнгөлөлт юм.
