Монгол Улсын баруун бүсийн бизнес эрхлэгчид, хөрөнгө оруулагчид, аж ахуй нэгжүүдийн хамтран ажиллах индэр болж, баруун бүсийн хөгжлийн тулгуур төв, бүс нутгийн дэд бүтцийн чухал уулзвар болсон Ховд аймагт хөрөнгө оруулалт татах, чадварлаг хүний нөөцийг ажиллуулах, гарааны бизнесийг дэмжих, эдийн засгийн шинэ сэргэлтийн Шийдэл боломжуудыг санал болгож байгаа Invest Khovd хөрөнгө оруулалтын форум амжилттай болж байна.
Өнөөдөр форумын хүрээнд бизнес, аж ахуйн нэгжүүдийн “Khovd Expo” үзэсгэлэн худалдаа аймгийн Спортын ордонд, “Hack for Khovd” хакатоны сүүлийн шатны шалгаруулалт аймгийн Хөгжимт Драмын театр-т зохион байгуулагдана.
Мөн “Эрчим хүчний сэргэлт”, “Баруун бүсийн хөрөнгө оруулалт ба аялал жуулчлал”, “Тээвэр логистик”, “Цахим шилжилт”, “Боловсон хүчин”, “Баруун бүсийн хөрөнгө оруулалтын боломж”, “Ховд хот ба барилгын салбарын хөрөнгө оруулалт” сэдвээр салбар хуралдаанууд үргэлжилнэ.
