Чингэлтэй дүүрэг 2023 оныг “Үйлдвэрлэлийг дэмжих жил” болгон зарласантай холбогдуулан Нийслэлийн Чингэлтэй дүүргийн иргэдийн Төлөөлөгчдийн Хурлын Хот байгуулалт, үйлдвэр үйлчилгээ гэр хорооллын хөгжлийн хорооноос дүүргийн нутаг дэвсгэрт үйлдвэр, үйлчилгээ эрхлэгч, аж ахуйн нэгж, байгууллагууд, иргэд, жижиг дунд үйлдвэр эрхлэгч нарыг дэмжих бодлого, төрийн үйлчилгээг танилцуулах зорилгоор уулзалтыг зохион байгуулж байна.
Тус уулзалтад Нийслэлийн Чингэлтэй дүүргийн иргэдийн Төлөөлөгчдийн Хурлын Хот байгуулалт, үйлдвэр үйлчилгээ гэр хорооллын хөгжлийн хорооны дарга Т.Идэрцагаан, ИТХ-ын Төлөөлөгч, Хурлын хорооны гишүүн Ч.Мягмарсүрэн, Хүнс худалдаа үйлчилгээний хэлтсийн дарга Д.Булган, Жижиг дунд үйлдвэрлэлийг дэмжих төвийн Ерөнхий менежер О.Батбаяр, Хөдөлмөр халамжийн үйлчилгээний хэлтсийн мэргэжилтэн Н.Өлзийжаргал, Д.Алтантуяа, М.Оюун-Эрдэнэ нар болон 1-6 дугаар хороодын иргэдийн төлөөлөл оролцлоо.
Уулзалтад оролцсон хэлтэс, албадаас үйлдвэрлэлийг дэмжих чиглэлээр 2023 онд хийж хэрэгжүүлэх ажлын төлөвлөгөөг танилцуулж, холбогдох мэдээллийг өгч оролцогчдоос асуусан асуултад хариуллаа.
Энэхүү уулзалт нь хуваарийн дагуу 7,8,9,20-р хорооны иргэдэд 2023.03.13-ны өдрийн Даваа гарагт зохион байгуулна. Иргэд та бүхэн доорх хуваарийн дагуу уулзалтад идэвхтэй оролцоно уу.
- 7,20-р хорооны иргэд 13:00 цагаас 7-р хорооны Иргэний танхимд
- 8,9-р хорооны иргэд 15:00 цагаас 9-р хорооны Иргэний танхимд
Хурлын Ажлын Алба
