Орхон аймгийн ИТХ-ын ээлжит бус X хуралдаанаар аймгийн 2022 оны төсвийн орлогын гүйцэтгэлийг 176,7 тэрбум, зарлагын гүйцэтгэлийг 168,1 тэрбум төсвийн хэмнэлтийг 11,2 тэрбум төгрөг, давсан орлогыг 16 тэрбум төгрөгөөр тус тус баталлаа.
Монгол улсын Засаг захиргаа, нутаг дэвсгэрийн нэгж, түүний удирдлагын тухай хуулийн өөрчлөлт, төрийн үйлчилгээний албан хаагчдын цалингийн нэмэгдэл, “Эрдэнэт үйлвэр” ТӨҮГ-ын 13 дахь сарын цалин, үл хөдлөх хөрөнгийн албан татварын хувь хэмжээний шинэчлэл, газрын итгэлцүүрийн төлбөр нэмэгдсэн зэрэг шалтгаанаар төсвийн орлого 109,9% буюу давж биелсэн аж.