Жил бүрийн 3 дугаар сарын 22-ний өдрийг "Дэлхийн усны өдөр" болгон тэмдэглэн өнгөрүүлдэг.
"Ус ба Энх тайван" уриатайгаар тэмдэглэн өнгөрүүлэх уг өдрийг угтсан "Цэнхэр тууз" аяныг Хар нуур- Ховд голын сав газраас зохион байгуулахаар төлөвлөж, өнөөдөр нээлтээ хийлээ.
Аяны нээлтийн үйл ажиллагаанд Аймгийн ИТХ-ын нарийн бичгийн дарга Б.Баярсүх, ХБОЭГХУСДЗ, Жаргалант сумын Засаг дарга Ц.Цогтбаяр нар болон ЕБС-ын багш нар, сайн дурын клубын сурагчид, СӨБ-ын багш нар, иргэдийн төлөөлөлөөс бүрдсэн 80 гаруй хүн оролцлоо.
Гол мөрөн, булаг, шандаа Монгол түмний бэлгэдэл цэнхэр хадагаар төлөөлүүлж, ирээдүй хойч үеийнхэнд ч өнө мөнхөд урсахыг бэлгэдэн, хүүхэд багачууд, ард иргэдэд усны нөөцийг бохирдлоос хамгаалах, усаа хайрлан хамгаалах ёс суртахууныг түгээн дэлгэрүүлэх зорилгоор энэ аяныг "Цэнхэр тууз" хэмээн нэрлэн ийнхүү эхлүүлж байна.
Хэлэлцүүлгээр:
1.2024 онд "Буянт голоо хайрлан хамгаалах аяныг" зохион байгуулах
2.Усны тухай хуулийн хэрэгжилтийг ханган ажиллах
3.Буянт голын сав дагуу хамгаалалтын бүс татах
4.Ногоон байгаль эко клубын сурагчдыг туршлага судлуулах
5.Ховд аймгийг Хог хаягдлаа ангилан ялгадаг, дахин боловсруулдаг аймаг болгох зэрэг олон чухал ажлуудыг ярилцан хэлэлцэж төлөвлөгөө гарган ажиллахаар боллоо.
