Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулгын дагуу аймгийн ИТХ-ын Зөвлөл байгуулагдсан бөгөөд уг Зөвлөл нь хуралдааны шийдвэрийн биелэлтийг хангуулах арга хэмжээг зохион байгуулах, хуралдааны бэлтгэл хангах, хуралдаан хоорондын хугацаанд Хурлын хороо, ажлын хэсгийн үйл ажиллагааг уялдуулан зохицуулах үүрэгтэй ажилладаг.
Аймгийн ИТХ-ын 16 дугаар хуралдаан болохтой холбогдуулан тус зөвлөлийн хуралдаан өнөөдөр /2024.04.19/ танхим болон цахим хэлбэрээр хуралдаж, дараах асуудлуудыг хэлэлцлээ.
ИТХ-ын 16 дугаар хуралдаан зарлах тухай
Монгол туургатан, олон угсаатны “Жангар” соёлын өвийн их наадам зохион байгуулах журам батлах тухай
Баруун бүсийн Хөдөө аж ахуйн эрдэм шинжилгээний хүрээлэн байгуулахыг дэмжих тухай
Аймгийн ИТХ-ын ээлжит сонгуулийн тойрог байгуулж, тойрогт ногдох мандатын тоо, дугаар, нутаг дэвсгэр, төвийг тогтоох тухай
Чиглэл өгөх тухай тогтоолын төсөл танилцуулах зэрэг асуудлуудыг хэлэлцэж, 16 дугаар хуралдаанаар оруулж, танилцуулахаар санал нэгдлээ.
