Монгол Улсын хөгжил дэвшил, ирээдүйн сайн сайхны төлөө төсвийн орлогыг бүрдүүлэхэд хувь нэмрээ оруулж буй баялаг бүтээгч, татвар төлөгч та бүхэндээ “Татвар төлөгчдийн өдөр”-ийн мэндийг дэвшүүлье.
Монгол Улсын Засгийн газрын хуралдааны тэмдэглэлийн дагуу жил бүрийн тавдугаар сарын хоёр дахь долоо хоногт уламжлал болгон тэмдэглэн өнгөрүүлдэг “Татвар төлөгчдийн өдрүүд”-ийг Сэлэнгэ аймгийн Татварын газраас татвар төлөгчид рүүгээ чиглэсэн татварын боловсрол олгох сургалтуудыг зохион байгуулахаас гадна ЕБС-ийн сурагчдын дунд “Татвар хөгжлийн үндэс” сэдэвт гар зургийн уралдааныг зохион байгуулж шилдгүүдийг шалгаруулах, шилдэг татвар төлөгчдөө шалгаруулж алдаршуулах ажлуудыг зохион байгуулж байна.
Төрийн сан хөмрөгийг бүрдүүлэх, төрийн үйлчилгээг олонд хүргэх нэр хүндтэй, хариуцлагатай албанд зүтгэж байгаа Сэлэнгэ аймгийн Татварын газрын албан хаагчдадаа ажил хөдөлмөрийн өндөр амжилт хүсэн ерөөе.
Сэлэнгэ нутгийнхаа хөгжил дэвшилд хувь нэмрээ оруулж буй татвар төлөгч иргэн, аж ахуйн нэгж байгууллага та бүхнийхээ ажил амьдралд сайн сайхан бүхнийг хүсэн ерөөе.
СЭЛЭНГЭ АЙМГИЙН ИРГЭДИЙН ТӨЛӨӨЛӨГЧДИЙН ХУРАЛ