Монгол Улсад Захиргааны хэргийн дагнасан шүүх байгуулагдсаны 20 жилийн хүрээнд "Захиргааны хэргийн дагнасан шүүхийн төлөвшил орон нутагт" сэдэвт хурлыг Архангай аймаг дахь Захиргааны хэргийн анхан шатны шүүхээс санаачилан Монгол Улсын дээд шүүх, Архангай аймгийн Засаг даргын Тамгын газрын дэмжлэг оролцоотойгоор хамтран 2024 оны 05 дугаар сарын 10-ны өдөр зохион байгуулсан бөгөөд Архангай аймаг дахь Захиргааны хэргийн анхан шатны шүүхийн Ерөнхий шүүгч Б.Одонтуяа нээж үг хэллээ.
Энэ удаагийн эрдэм шинжилгээний хурал нь орон нутагт тэр дундаа Архангай аймагт болж буйгаараа шинэлэг, шинжлэх ухаан, практикийн олон чухал асуудлыг хөндөн хэлэлцсэнээрээ онцлог юм.
Урилгаар аймгийн ИТХ-ын дарга бөгөөд ГХУСАЗСЗ-ийн дарга Б.Батжаргал Гэмт хэрэг зөрчлөөс урьдчилан сэргийлэх таслан зогсоох, илрүүлэх шалгах, шийдвэрлэх, хяналт тавих бүхий л чиг үүргийг хэрэгжүүлдэг хуулийн байгууллагууд хамтын ажиллагаа уялдаа холбоогоо сайжруулахаар энэхүү сургалт зөвлөгөөнийг зохион байгуулж буйд талархал илэрхийллээ. ГХУСАЗСЗ-ийг удирдан ажиллаж байгаа миний зүгээс ард иргэдийн бухимдлыг төрүүлсэн малын хулгай болон бусад гэмт хэрэг зөрчлөөс урьдчилан сэргийлэх талаар томоохон ажлуудыг санаачилан бодлогын түвшинд хамтран ажиллахад үргэлж нээлттэй байхаа илэрхийллээ.
