Аймаг, сумдын иргэдийн Төлөөлөгчдийн Хурлын сонгуульд нэр дэвшигчдийн үнэмлэх гардуулах ажиллагаа өнөөдөр аймгийн ЗДТГ-т боллоо.
Төв аймгийн хэмжээнд энэ удаагийн сонгуульд оролцохоор 12 нам мөрийн хөтөлбөрөө аудитад хянуулснаас, 5 нам сонгуульд оролцохоо илэрхийлж, бүртгэгдсэн байна.
Аймгийн хэмжээнд аймгийн 41, сумын 527 нийт 568 мандатад
МАН-568,
AH-560,
ХҮН нам-1,
ИЗНН-18,
Иргэний хөдөлгөөний нам 34,
бие даагч-4 нэр дэвшүүлжээ.
Нийт 1185 нэр дэвшигч бүртгэгдсэнээс хамгийн залуу нэр дэвшигч 21 настай бол хамгийн ахмад нь 70 настай байна.
Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийг зохион байгуулах аймгийн Сонгуулийн хороо, 27 сумын Сонгуулийн хороо, 100 хэсгийн хорооны бүрэлдэхүүнд нийт 996, мэдээлэл технологийн баг, даамлаар 135, улсын бүртгэлийн итгэмжлэгдсэн ажилтан 100, цагдаагийн албан хаагч 107 нийт 1338 төрийн албан хаагч энэхүү сонгуулийн зохион байгуулалтад ажиллаж байна.
АЙМГИЙН СОНГУУЛИЙН ХОРОО
