“Аймаг, нийслэл, сум, дүүргийн иргэдийн төлөөлөгчдийн хурлын сонгуулийн тухай хууль"-ийн 16 дугаар зүйлийн 16.2.5, 73 дугаар зүйлийн 73.2, 73.3, 73.4 дэх хэсэгт заасны дагуу аймгийн Сонгуулийн хорооны 2024 оны 10 дугаар сарын 17-ны өдрийн “Аймгийн иргэдийн Төлөөлөгчдийн Хурлын Төлөөлөгчөөр сонгогдсонд тооцох тухай” 28 дугаар тогтоолыг аймгийн иргэдийн Төлөөлөгчдийн Хуралд өргөн мэдүүллээ.
Сэлэнгэ аймгийн иргэдийн Төлөөлөгчдийн Хуралд Монгол Ардын намаас 41, Ардчилсан намаас 41 , Хүн намаас 10, Бие даагч 2 нийт 94 нэр дэвшигч 30 тойргийн 41 мандатад нэр дэвшиж сонгуульд оролцсоноос сонгуулийн үр дүнгээр хамгийн олон санал авсан Монгол Ардын намын 21, Ардчилсан намын 19, Хүн намын 1 нэр дэвшигчийг аймгийн иргэдийн Төлөөлөгчдийн Хурлын Төлөөлөгчөөр сонгогдсонд тооцож тогтоолыг аймгийн Сонгуулийн хорооны дарга Ө.Сувдаа уншиж танилцуулан, аймгийн Сонгуулийн хорооны бусад гишүүдийн хамт ийнхүү өргөн мэдүүллээ.
