Боловсрол шинжлэх ухааны сайдын А\222 дугаар тушаалаар ерөнхий боловсролын сургууль бүрд мэргэшсэн сэтгэл зүйч ажиллуулах, сурагч болон багш, эцэг эх, асран хамгаалагчдад сэтгэл зүйн мэргэжлийн үйлчилгээ үзүүлэх “Боловсролын сэтгэл зүйч”-ийг ажиллуулж эхэлсэн. Харин манай аймгийн хувьд одоогоор 7 сумын ЕБС-д Сэтгэлзүйч ажиллаж байна. Үүнийн нэг нь Сэргэлэн сум юм.
2025 оны 1-р сараас эхлэн Төв аймгийн Сэргэлэн сумын ЕБС-д мэргэжлийн сэтгэл зүйч ажиллаж, энэ хугацаанд 100 гаруй хүүхдэд ганцаарчилсан зөвлөгөө, 4 удаа бүлгийн зөвлөгөө, 1 удаа багш ажилчдад зөвлөгөө өгөөд байна.
Тус сумын онцлог нь сурагчдын 85-90 хувь нь морь унаач хүүхдүүд бөгөөд төрсөн гэр, ээж ааваасаа хол, хүүхдийн эрхийн асуудал хамгийн их хөндөгддөг бүлгийн хувьд тэдэнд сэтгэл зүйн үйлчилгээ нэн тулгамддаг асуудал юм.
