БНСУ-ын Кёнги аймгийн иргэдийн Хурлын төлөөлөгчид болон ОБГ-ын дарга, мэргэжилтнүүдийг аймгийн ИТХ-ын дарга П.Гомбодорж, Онцгой байдлын газрын дарга Д.Цэрэндорж хүлээн авч уулзлаа.
Өмнөх жилүүдэд БНСУ-ын Кёнги аймгаас хамтын ажиллагааны хүрээнд аймгийн Нэгдсэн эмнэлэг болон Хотонт, Цэнхэр сумын өрхийн эрүүл мэндийн төвүүдэд эмнэлгийн тусламж үйлчилгээний зориулалттай автомашиныг тусламжаар өгч байсан.
Энэ удаа аймгийн ОБГ-т гал унтраах автомашин, Эрдэнэмандал сумын эрүүл мэндийн төвд түргэн тусламжийн автомашиныг тус тус өгөхөөр болж, батламжийг аймгийн ИТХ-ын дарга П.Гомбодоржид гардуулан өгөв.
