Төв аймгийн ИТХ-ын ээлжит наймдугаар хуралдаан 2026 оны 1-р сарын 30-нд хуралдлаа.
Хуралдаанаар “Төв аймгийг 2026-2030 онд хөгжүүлэх таван жилийн үндсэн чиглэл”-ийг хэлэлцэн баталлаа.
“Аймгийн Засаг даргын 2024-2028 оны үйл ажиллагааны хөтөлбөр”, “Монгол улсыг 2026-2030 онд хөгжүүлэх таван жилийн үндсэн чиглэл”-тэй уялдуулан боловсруулсан “Төв аймгийг 2026-2030 онд хөгжүүлэх таван жилийн үндсэн чиглэл” нь
“Хүний хөгжил”,“Нийгмийн хөгжил ба үндэсний нэгдмэл үнэт зүйл”,“Эдийн засаг ба дэд бүтцийн хөгжил”,“Байгаль орчин, ногоон эдийн засаг”,“Засаглал, дижитал шилжилт”,“Бүсийн хөгжил”,“Үндэсний өрсөлдөх чадвар”,“Шинжлэх ухаан, технологи, хиймэл оюун” гэсэн бодлогын 8 чиглэлээс бүрдэх бөгөөд энэ хүрээнд төсвийн ерөнхийлөн захирагчийн 49 үр дүн, хөтөлбөрийн 98 үр дүнг, шалгуур үзүүлэлтийн хамт тус тус тодорхойлон баталлаа.Мөн 8-р Хуралдаанаар:
- Аймгийн ан агнуурын менежментийн төлөвлөгөөний төслийн тухай
- Төв аймгийг 2021-2025 онд хөгжүүлэх таван жилийн үндсэн чиглэлийн хэрэгжилтийг дүгнэх тухай
- Газрын нэгдмэл сангийн ангилал хооронд шилжүүлэх тухай
- Аймгийн хөгжлийн 2025 оны төлөвлөгөөний хэрэгжилтийн тухай
- Аймгийн Засаг даргын 2025-2028 оны хөтөлбөрийн хэрэгжилтийн явцын тухай
- Ашиглалтын шаардлага хангахгүй Зуунмод сумын зарим байрыг дахин төлөвлөлтөд хамруулах тухай асуудлыг хэлэлцэн баталлаа.
