Ахмад настны тухай хууль, журам шинэчлэгдсэнтэй холбогдуулан хуулийн хэрэгжилтийг хангаж ажиллах, ахмадуудад тулгамдаж буй асуудлыг хэлэлцэн шийдвэрлэх “Эрүүл идэвхтэй насжилтыг дэмжих” асуудал, шийдэл уулзалт хэлэлцүүлгийг зохион байгууллаа.
Ахмад настнуудын эрүүл мэнд, амьдралын таатай орчин бий болгох, өөрсдийн тулгамдаж буй асуудлуудаар тэдний дуу хоолойг сонсох, хэлэлцүүлэгт 400 гаруй ахмадууд идэвхитэй оролцлоо.
Уулзалтад Төв аймгийн удирдлагууд болон, УИХ-ын гишүүд мэндчилгээ дэвшүүлж, ахмадуудад чиглэсэн төрөөс баримталж буй бодлого хөтөлбөрийн талаар мэдээлэл танилцууллаа.
Аймгийн ИТХ-ын дарга Н.Энхболд мэндчилгээ дэвшүүлж хэлсэн үгэндээ: Аймгийн иргэдийн Төлөөлөгчдийн Хурлаас ахмад настнуудын эрүүл энх, аюулгүй орчинд ая тухтай амьдарч, төрийн үйлчилгээг шуурхай, хүртээмжтэй эдлэх бүхий л боломжийг бүрдүүлэн хэрэгжүүлэх, ахмад настнуудын эрхийг баталгаажуулж, хөгжлийг дэмжсэн эрх зүйн таатай орчныг бүрдүүлж, амьдралын чанарыг дээшлүүлэхэд чиглэсэн бодлогын арга хэмжээнүүдийг батлан хэрэгжүүлэхээ илэрхийллээ.
Арга хэмжээний үеэр “Сүрээр дарагч” хэмээх гал морин жилийн босгон дээр аймгийн “Хөдөлмөрч манлай ахмад”-аар тодорсон иргэдэд шагналыг гардууллаа.
