Монгол Улсын засаг захиргаа, нутаг дэвсгэрийн нэгж, түүний удирдлагын тухай 26 дугаар зүйлийн 26.9 дэх хэсэгт Хорооны Засаг дарга иргэддээ ажлаа жил бүр тайлагнана гэж заасны дагуу Чингэлтэй дүүргийн хороодын Засаг дарга, Өрхийн эмнэлэг, Цагдаагийн хэсгийн байцаагч нар иргэддээ бүтэн жилийн хугацаанд хийсэн  ажлаа тайлагнаж байна.
Тайлангийн хурлаар 2014 онд хийж хэрэгжүүлсэн ажлаа танилцуулж, үнэлүүлж байгаа төдийгүй, өнгөрсөн хугацаанд бий болсон ололт, амжилтаа бататгаж, алдаа дутагдлаа засаж сайжруулж цаашид хороо, дүүргээ хөгжүүлэх, амьдрах орчин нөхцөлөө сайжруулах чиглэлээр олон шинэ ажлыг хэрэгжүүлэхээр төлөвлөж байна.
Үүнд иргэдийн идэвхтэй оролцоо ихээхэн чухал бөгөөд аливаа бүтээлч санал санаачилгыг хороодын үйл ажиллагааны төлөвлөгөөнд тусгуулан хэрэгжүүлэн ажиллах боломжтой юм.