Аймгийн ИТХ-ын Тэргүүлэгчдийн 2013 оны 74 тоот тогтоолын дагуу Иргэний танхимаар сар бүр зохион байгуулагдаж хэвшсэн ажлуудын нэг болох “Хүүхдээ сонсох өдөр”-ийн 2015 оны хамгийн эхний арга хэмжээг 01 дүгээр сарын 09-ны өдөр амжилттай зохион байгуулав.
Тус арга хэмжээнд спортын авъяастай хүүхдүүд болон Соёл, спорт аялал жуулчлалын газрын дэргэдэх дугуйлангийн авъяаслаг эрэгтэй сурагчдыг түлхүү хамруулсан байна.
Мөн аймгийн ИТХ-ын эрэгтэй тэргүүлэгчид, төлөөлөгчид, аймгийн болон Эрдэнэбулган сумын ЗДТГ-ын хэлтэс агентлагуудын эрэгтэй дарга
наруудыг оролцууллаа. Тухайн арга хэмжээг нээж Аймгийн ИТХ-ын дарга Ч.Мөнхбат
үг хэллээ.
Аймаг орон нутгийнхаа нэрийг өндөрт өргөж, спортоор хичээллэж тодорхой
амжилт гаргасан хүүхдүүдийн санаа бодлыг сонсож, тэдний өмнө тулгамдаж буй
асуудлуудын талаар нээлттэй ярилцав.