“Босоо Хөх Монгол” ТББ, “Ноён уулаа аваръя” хөдөлгөөний гишүүд “Ноён”
уулын орчимд алт олборлохыг эсэргүүцэж, хамгаалалтад авах асуудлаар төр
засгийн удирдлагуудад хүргүүлсэн шаардлагадаа хариу авахаар өлсгөлөн
зарлаж, 13 хоносон.Хүйтний эрч буураагүй энэ үед биеийн эрүүл мэндийн
байдал доройтож, амь нас, эрүүл мэндэд нь хохирол учирч болзошгүй нөхцөл
байдал үүссэн талаар Эрүүл мэндийн байгууллагын дүгнэлтийг үндэслэн
Чингэлтэй дүүргийн Засаг дарга Монгол Улсын холбогдох хууль, журмын
хүрээнд захирамж гаргаж, өлсгөлөнг зогсоон, иргэдийг эмнэлгийн
байгууллагын хяналтад шилжүүлээд байна.
