Архангай аймгийн Цэцэрлэг сум бол УИХ-ын гишүүн
Н.Батбаярын аавын унасан газар нутаг бөгөөд ах дүү, хамаатан садан нь өдгөө
нутаг уснаа амьдран суудаг юм. Тус сум 27 жилийн дараа Дарьмаагийн Отгонбаяр
хэмээх Улсын сайн малчнаа өлгийдөж авлаа.
Д.Отгонбаяр гуай эхнэр, 5 хүүхдийн хамт
амьдардаг ба сүүн заводын туслах, нэгдлийн нярав, худалдаа бэлтгэлийн ангид
ажиллаж байгаад 1990 оноос Цэцэрлэг сумын Хонгорж багт малчин болж 24 жил
хөдөлмөрлөж байна.
Тэртээ 1988 онд Монгол Улс 2 сая дахь иргэнээ
хүлээн авсан жил Цэцэрлэг сумаас Улсын аварга малчин төрж байсан бол 3 сая дахь
иргэнээ тосч аваад буй 2015 онд мөн Улсын сайн малчинтай болсноо нутгийн ард
олон бэлгэшээн хуучилж байсан.
