Охид эмэгтэйчүүдийн эрхийг хамгаалахад албан байгууллага болон иргэдийн оролцоог нэмэгдүүлэх, тэдний өмнө тулгамдаж буй асуудлыг шийдвэрлэх, охид эмэгтэйчүүдийн хөгжилд хувь нэмэр оруулах зорилготой 1 сарын аян дүгнэгдлээ. 10 байгууллага аянд нэгдэж идэвхтэй оролцож, тайлангаа ирүүлснээс Эрдэнэбулган сумын гуравдугаар сургууль тэргүүлж, Залуу эмэгтэйчүүдийн бриллиант клуб, Эрдэнэбулган сумын хоёрдугаар сургууль удаалсан байна. 

Аяныг эмэгтэйчүүдийн төлөө үйл ажиллагаа явуулдаг төрийн бус байгууллагуудын нэгдэл “Эмэгтэйчүүдийн төрийн бус байгууллагын сүлжээ”, аймгийн Хүүхэд гэр бүл хөгжлийн хэлтэс хамтран зохион байгуулсан байна. Төрийн банкны Архангай дахь салбар ивээн тэтгэжээ.