Төв аймгийн ИТХ-ын Ажлын албанаас энэ онд 5-н хэлэлцүүлгийг зохион байгуулахаар төлөвлөөд байгаа билээ. Үүний нэг болох “Архидалтын эсрэг Төв аймаг” хөтөлбөрийн хэрэгжилтийн явц, аймгийн хэмжээнд согтууруулах ундаа худалдаалах, түүгээр үйлчлэхэд хяналт тавих, тусгай зөвшөөрөл олгох шинэчилсэн журмын төсөлд санал авах хэлэлцүүлэг 2015.04.06 өдөр Аймгийн ЗДТГ-ын Хуралдааны танхимд зохион байгуулагдлаа. Энэ удаагийн хэлэлцүүлгийн Аймгийн ИТХ-ын Нутгийн удирдлага, Хууль хяналт, гадаад харилцааны хорооны дарга Р.Билигсайхан удирдан явуулсан бөгөөд Аймгийн ЗДТГ-ын бодлогын хэлтсийн дарга, Агентлагын дарга нар болоод Зуунмод сумын иргэд, Аж ахуй нэгжүүд оролцож журмын төсөлд саналаа орууллаа.