"Ногоон гэрэл, цагаан шугам - 2015" сэдэвт сургалтыг Эрдэнэбулган сумын Ерөнхий боловсролын сургууль тус бүр 4 дугээр сарын 13-25-ний өдрүүдэд зохион байгуулж дууссан бөгөөд тус тэмцээний техникийн зөвөлгөөн энэ сарын 7-ны өдөр болж өндөрлөлөө. Тэмцээнд Эрдэнэбулган сумын 8 сургуулиас тус бүр 1 баг оролцох бөгөөд баг тус бүр 12 хүүхдийн бүрэлдэхүүнтэй байна. Тэмцээн дараах төрлүүдээр уралдах юм байна. Үүнд:
- Гэрийн даалгавар буюу хүүхдэд хэрхэн сургалт явуулж буй үйл ажиллагаа
- Танилцуулах урлагийн тоглолт
- Жүжигчилсэн тоглолт
- Буухиа тэмцээн
- Замын тэмдэг эвлүүлэх
- Эмнэлгийн анхны тусламж үзүүлэх
- Зохицуулагчийн дохиогоор уулзвар нэвтрэх /тест бөглөх/
- Дугуйгаар саадтай зам туулах
- Багийн ахлагчийн тэмцээн зэрэг орж байна.
"Ногоон гэрэл, цагаан шугам-2015" тэмцээн маргааш буюу 5 дугаар сарын 9-ны өдөр 10:00 цагаас Нутгийн захиргааны ордонд болох юм байна.