2015 оны 9 дүгээр сарын 1-6 ны өдрүүдэд БНХАУ-ын  Жилинь мужид зохион байгуулагдсан БНХАУ- ЗҮҮН ХОЙД АЗИЙН ЭКСПО-д Аймгийн Засаг дарга Б.Баярбат, ХХААГ-ын дарга Даваасүрэн, Монгол туургатан театрын дарга Баасанжаргал тэргүүтэй 13 хүний бүрэлдэхүүнтэй төлөөлөгчид амжилттай оролцоод ирлээ.  Тус үзэсгэлэн нь үзэсгэлэн үзүүлэх, эдийн засаг худалдааны хамтын ажиллагаа, хурал зөвлөгөөн, хүмүүнлэг соёлын солилцоо зэрэг үндсэн чиглэлээр зохион байгуулагдсан бөгөөд үзэсгэлэн яармагийн үеэр Зүүн Хойд Азийн Хамтын ажиллагааны 8 дахь удаагийн дээд хэмжээний форум зохион байгуулагдан эдийн засгийн хамтын ажиллагаа , хүмүүнлэг соёлын солилцооны талаарх мэдээлэлүүдийг нийтэд танилцуулсан бөгөөд Аймгийн гадаад харилцаа, хамтын ажиллагааны хүрээнд олон талын хэлэлцээрүүдийг амжилттай хэлэлцсэн. Айлчлалын үеэр Жилинь  мужийн Тунг у  Цагаан хот   сумдуудад айлчилан уг сумдуудын махны үйлдвэр, мал аж ахуй, газар тариалангийн чиглэлийн үйлвэрүүдтэй танилцан туршлага солилцсон.