Монгол Улс жил бүрийн есдүгээр сарын 10-ныг улстөрийн хилс хэрэгт хэлмэгдэгсдийн дурсгалыг хүндэтгэх өдөр болгон тэмдэглэж ирснээс хойш 18 жил болж байгаа бөгөөд энэ жилийн хүрээнд Төв аймгийн Цагаатгах Ажлыг Удирдах Зохион байгуулах аймгийн салбар комиссоос Хэлмэгдэгсдийн дурсгалыг хүндэтгэх өдрийг зохион байгууллаа. Энэхүү арга хэмжээнд аймгийн ИТХ-ын дарга, Зуунмод сумын ИТХ-ын дарга, Зуунмод сумын Засаг дарга болон хэлмэгдэгсэдийн үр хүүхэд, ач, зээ нар оролцсон юм.
Уг арга хэмжээний үеэр Зуунмод сумын өндөр настан, зохиолч, судлаач Ш.Цэрэндоо ХЭЛМЭГДҮҮЛЭЛТ-ЦАГААТГАЛ ТӨВ АЙМАГ нэртэй өөрийн номоо судалгааны ажлаа танилцуулж байлаа. Мөн аймгийн Монгол Туургатан театрын уран бүтээлчид хүрэлцэн ирсэн зочдод уран бүтээлийн дээжээсээ хүргэж байв.
