“Гэрэлт ирээдүй өөд хамтдаа” хүүхдийн арга хэмжээ зохион байгуулагдлаа. Арга хэмжээг нээж аймгийн ИТХ-ын дарга Ч.Мөнхбат үг хэллээ.
Тус арга хэмжээнд аймгийн ИТХ-ын дарга
Ч.Мөнхбат болон тэргүүлэгч, төлөөлөгчид оролцож, сурлага спортоор амжилт
гаргасан сурагчдыг шагнаж урамшууллаа.
Мөн 19 сумын ерөнхий боловсролын
сургуулийн шилдэг сурагч, хөгжлийн бэрхшээлтэй, бүтэн болон хагас өнчин
хүүхдүүдэд аймгийн ИТХ-ын төлөөлөгчид сурлага хөдөлмөрийн амжилт хүсэн, иж бүрэн хичээлийн хэрэглэл, цүнхийг гардуулан өглөө.
Аймгийн ИТХ нийт 37 төлөөлөгчтэй бөгөөд төлөөлөгчид тойрогт ажиллах зардлаасаа тойргийнхоо хүүхдүүдэд хичээлийн хэрэглэл авч өгсөн билээ.
