Дөрөвдүгээр тойрог буюу Архангай аймагт Тахарын алба байгуулагдаад жил гаруй хугацаа өнгөрч байна. Тус алба шүүх, шүүгчийн аюулгүй байдлыг хангах журмын дагуу эрүүгийн 324, иргэний 238, захиргааны 51 шүүх хуралдаанд дэг журам сахиулан 1850 оролцогчдын аюулгүй байдлыг ханган ажилласан байна.

Шүүхээс даалгасан иргэний хэргийн хариуцлагч нарыг эрэн сурвалжлах тухай захирамж, шийдвэр 31-ийг хүлээн авч, 26 хүний оршин суугаа хаягийг тогтоон нэхэмжлэгч нарт болон шүүхэд албан тоотоор мэдэгджээ.

Мөн хуяглан хүргэх чиглэлээр Улаанбаатар хот руу таван хүнийг чанга дэглэмтэй хорир ангид, Хархорин сумын хорих 423-р ангид 51 хүнийг, Цагдан хорих байрнаас – Шүүх, Шүүхээс – Цагдан хорих байранд давхардсан тоогоор 724 хүнийг ялтан хуяглан хүргэж, гэмт хэрэг үйлдсэн сэтгэцийн өвчтэй нэг ялтныг Сэтгэцийн эрүүл мэндийн үндэсний төвд хүлээлгэн өгсөн байна.