2015 оны 12 дугаар сарын 2-ны өдөр хөгжлийн бэрхшээлтэй иргэд чуулганаа хийхээр тов тогтон бэлтгэл ажилдаа орлоо. Тус чуулганаар Хөгжлийн бэрхшээлтэй иргэд, төрийн байгууллагын хамтын ажиллагааг бэхжүүлэх үүднээс хөгжлийн бэрхшээлтэй иргэдийн дэд хөтөлбөрийн төслийг хэлэлцэж тэднийхээ саналд тулгуурлан хөтөлбөрөө амьдрал ойр, амьд болгон батлах юм байна. Чуулганаас батлагдсан хөтөлбөрийг аймгийн ИТХ-ын Тэргүүлэгчдийн хуралд оруулж батлуулахаар хөгжлийн бэрхшээлтэй иргэдийн зөвлөл болон аймгийн ЗДТГ-ын Нийгмийн бодлогын хэлтсийн мэргэжилтнүүдээс бүрдсэн ажлын хэсэг хөтөлбөрийн төслийг бэлтгэх ажилдаа ороод байна.