Төрийн үйлчилгээг иргэдэд ойртуулах, хөнгөн шуурхай байдлыг хангах нөхцөл боломжийг бүрдүүлж аймаг сумын ОНХСангийн санхүүжилтээр Баянбулаг 3-р багийн төвийг 236,4 сая төгрөгийн хөрөнгөөр, Загдал 4-р багийн төвийг 399.5 сая төгрөгийн хөрөнгөөр бүтээн байгуулж 17-р жарны модон хонин жилийн өвлийн тэргүүн сарын шинийн нэгэн Их эзэн чингис хааны мэндэлсэн өдөр “Монгол бахархал”-ын билигт сайн өдрийг тохиолдуулан нээлтээ хийж ашиглалтанд орууллаа. Нээлтийн үйл ажиллагаанд Төв аймгийн Засаг дарга Д.Баярбат, ЗДТГ-ын ТЗУХэлтсийн дарга С.Цогбаяр болон сум, багийн удирдлагууд, иргэд аж ахуйн нэгж байгууллагууд өргөнөөр оролцсон арга хэмжээ боллоо.