Энэ удаад аймгийн Засаг даргаар ахлуулсан ажлын хэсэг Чулуут суманд ажиллалаа.

Өнгөрсөн намар Тамгын даргаар ахлуулсан ажлын хэсэг мөн л Чулуут сумын таван багийн иргэдтэй уулзалт хийж, иргэдийн санал сэтгэгдлийг сонссон.
Засаг дарга Д.Бат-Эрдэнийн ажлын хэсэгт төрийн суурь үйлчилгээг нэг цэгээс өгөх зорилготой НХҮХ, НДХ, УБХ, ҮХААГ, ЭМГ, Цагдаагийн газраас төлөөлөл явж иргэдэд мэдээлэл хийж сонирхсон асуултуудад хариулт өглөө.
Чулуут сумын БИНХ-ууд ирц өндөр, идэвхитэй оролцож байлаа.
Тэдний зүгээс малын бэлчээрийн даац, отор нүүдэл зэрэг мал аж ахуйтай холбоотой асуудлуудыг зонхилон лавлаж байсан юм.

Сүүлийн жилүүдэд бүтээн байгуулалтын олон ажлууд Чулуут суманд хийгдэж байна. Засаг дарга тэргүүтэй ажлын хэсэг "Нэг цонхны үйлчилгээний төв", "Ахуй үйлчилгээний төв", хүүхдийн цэцэрлэг зэрэг байгууллага, үйлчилгээний төвүүдийн үйл ажиллагаатай танилцлаа. 
Цаг агаарын хувьд тогтуун байгаа ч нийт нутгаар малын хөлийн цастай дахин цас орвол хүйтэрч, хүндрэх төлөвтэй байгааг сумын удирдлагууд бидэнд хэлж байсан юм.