Зэвсэгт хүчний Төв аймаг дахь 016 дүгээр ангид 13 сая юанийн үнэ бүхий 22 нэгж, зам барилга, инженерийн техник хэрэгсэлийг БНХАУ-ын Батлан хамгаалах яамнаас бэлэглэлээ.

        Мөн Налайх дүүрэг дэх зэвсэгт хүчний 014 дугаар цэргийн ангид ОХУ-ын Батлан хамгаалах яамнаас 20 орчим танк бэлэглэсэн юм. Энэ арга хэмжээ нь манай улсын Зэвсэгт хүчинд цэрэг, техникийн тусламж үзүүлэх хамтын ажиллагааны хүрээнд явагдах байгааг төлөөлөгчид онцолж байлаа. Т-72 загварын танкуудыг 1973 оноос ашиглах болсон бөгөөд ЗХУ-ын хоёрдугаар үеийн танкад тооцогддог. Өнөөгийн байдлаар 20 мянган загвар нь үйлдвэрлэгдэж, дэлхийн 40 орчим орны зэвсэгт хүчин ашиглаж байна.

        Т-72А загварын танкны үзүүлэлтээс дурьдвал хээрийн замд 35-45 км.ц, засмал замд 60 км.ц хурдлах чадвартай, 100 км-т 240-450 литр түлш зарцуулдаг юм байна. 1979 оноос үйлдвэрлэж эхэлсэн тус танк нь лазерын гэрлийн бай бүхий электрон бууны системтэйгээрээ онцлогтой.