Архангай аймаг
Архангай аймаг
Иргэдийн Төлөөлөгчдийн Хурал Иргэдийн Төлөөлөгчдийн ХуралАрхангай малаараа тэргүүлдэг бол одоо зам тээвэр, дэд бүтцээрээ толгой цохилоо
2015-12-13
Архангай аймагт томоохон бүтээн байгуулалт хийгдлээ. 2012 оноос хойш Цэцэрлэг хотод 600 ортой 5 шинэ цэцэрлэг, 2 цэцэрлэгийн өргөтгөл , спортын гүнзгийрүүлсэн сургалттай 1 сургууль, 744 айлын орон сууц шинээр барьж ашиглалтанд орсон байна. Цэцэрлэг хот хүүхдийн цэцэрлэгийн асуудлаа 100 хувь шийдвэрлэсэн аймгаар шалгарсан бөгөөд шинээр ашиглалтанд орж буй орон сууцнуудын 1 давхрыг цэцэрлэг болгон ашиглах болжээ. Засгийн газрын зүгээс 21 аймагт 1000 айлын орон сууц барих хөтөлбөрийн хүрээнд Цэцэрлэг хотод эхний 120 айлын 3 орон сууц ашиглалтанд орсон байна. Улсын Их Хурал болон Засгийн газар хамтран ард иргэдийнхээ тохь тухтай амьдрах нөхцөлийг бүрдүүлэхээр хийсэн олон ажлын нэг нь “Гудамж” төсөл юм. Хамгийн чухал нь энэ хамтын ажиллагаа хоосон яриа биш, үр шимийг нь ард түмэн хүртсэн бодит ажил хэрэг болжээ. Монгол Улсын Засгийн газрын 2012-2016 оны мөрийн хөтөлбөрт аймаг бүрийг Улаанбаатар хоттой хатуу хучилттай авто замаар холбох, Улаанбаатар хот, аймгуудын төвийн авто замын нөхцлийг сайжруулах зорилт дэвшүүлсэн.
