Чингэлтэй дүүргийн Иргэдийн Төлөөлөгчдийн Хурлаас баталсан төсвийн хүрээнд Засаг даргын Тамгын газрын хөрөнгө оруулалтаар дүүргийн Эрүүл мэндийн төвийн Эрчимт эмчилгээний тасагт хүчилтөрөгчийн өндөр өтгөрөлттэй ханын хийн системийг байршуулан холбож 2015 оны 12 дугаар сарын 24-нд хүлээлгэн өглөө.
Дүүргийн Иргэдийн Төлөөлөгчдийн Хурлын дарга Д.Бат-Эрдэнэ, Засаг дарга Д.Ганболд, Засаг даргын Тамгын газрын дарга Ж.Эрдэнэбат, Иргэдийн Төлөөлөгчдийн Хурлын Иргэний оролцооны хэлтсийн дарга Т.Уламбаяр, Эрүүл мэндийн төвийн удирдлага, эмч, ажилтнууд, төслийн гүйцэтгэгчээр ажилласан “Медигаз Монголиа” ХХК-ий удирдлагууд нээлтийн ажиллагаанд оролцов.
Тус хүчил төрөгчийн өндөр өтгөрөлттэй ханын систем нь 9 дүүргийн Эрүүл мэндийн төвүүдээс Чингэлтэй дүүргийн Эрүүл мэндийн төвд тавигдсанаараа анхдагч болж байна. Ханын систем байршуулсанаар хүчилтөрөгчийн
дутагдалд орсон иргэнд түргэн удаашралгүй үйлчлэх, Эрчимт эмчилгээний тасгийн эмч, ажилтнуудын ажлын ачааллыг хөнгөвчилсөн зэрэг олон давуу тал бий болжээ
