Монгол улсын хамгийн олон малтай, нийт хонин болоод үхэр сүргийн тоогоор улсдаа тэргүүлдэг Архангай аймгийн гол брэнд бүтээгдэхүүн нь цагаан идээ.
Уламжлалт цагаан идээг орчин цагийн технологи, хэв маяг, сав баглаа боодолтойгоор зах зээлд нийлүүлж, ашиг шимийг нь хүртэж эхлээд байна.
Тодруулбал 2013 оноос эхлэн Архангай аймгийн Чулуут, Тариат, Өндөр-Улаан зэрэг сумд сар шинийн баярын өмнө Улаанбаатар хотод цагаан идээний үзэсгэлэнгээ гаргаснаар дунджаар 400-аад малчин иргэдийн 200 орчим тонн цагаан идээ борлуулагддаг тооцоо байна.
Энэ жилийн хувьд Сар шинийн баярын өмнө Архангай аймгийн Тариат сум Монгол бөхийн өргөөний өмнөх талбайд 1 сарын 23-27-ны өдрүүдэд, Чулуут сум SKY худалдааны төвийн урд талбайд 1 сарын 15-24-ний өдрүүдэд, Өндөр-Улаан сум Тэнгис кино театрын урд талбад 1сарын 22-24-ний өдрүүдэд тус тус цагаан идээний үзэсгэлэн гарч байна.
Үзэсгэлэнд худалдаанд тавгийн ааруул, айраг, сүү, өрөм, шар тос, бяслаг, мэхээртэй тос, сүүн хурууд, аарц, хорхой ааруул, шимийн архи гээд бүх төрлийн цагаан идээ малчдын гар дээрээс хэрэглэгчдэд хүрнэ.
Монгол улсын төрийн гурван өндөрлөгөөс аваад иргэд олон нийт сар шинийн баярын идээгээ Архангайн брэнд цагаан идээгээр засдаг уламжлал тогтжээ.
Баярын уур амьсгал орсон энэ өдрүүдэд хамгийн эрэлттэй бараа бүтээгдэхүүнд Архангайн ааруул, цагаан идээ зүй ёсоор нэрлэгдэж байна.
Архангай аймаг
Архангай аймаг
Иргэдийн Төлөөлөгчдийн Хурал Иргэдийн Төлөөлөгчдийн ХуралАрхангайн цагаан идээний үзэсгэлэн худалдаа болж байна
2016-01-22
Фото мэдээ
Хурлын хороод
Ярилцлага
Үйл явдлын мэдээ
ИТХ-ын мэдээ
НИЙТЛЭЛ, ӨГҮҮЛЭЛ
Видео мэдээ
Архангай хөтөч