Өмнөговь аймгийн сонгуулийн хороо хуулийн хугацаанд буюу 2016 оны 7 дугаар сарын 04-ний өдөр аймгийн Иргэдийн Төлөөлөгчдийн хурлын 2016 оны ээлжит сонгуулиар сонгогчдын хамгийн олон санал авсан нэр дэвшигчдийг жагсаалтаар баталж, сонгогдсон нэр дэвшигчдэд түр үнэмлэх гардууллаа.

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 23 дугаар зүйлийн 23.4-д санал хураалт явуулсан өдрөөс хойш 20 хоногийн дотор бүрэн эрхийн хугацаа дуусч байгаа хурлын Тэргүүлэгчид анхдугаар хуралдааныг зарлан хуралдуулна гэж заасан байдаг.