Боловсрол соёл шинжлэх ухааны сайд Ж.Батсуурь Ерөнхий боловсролын сургуулийн сурагч, багш нарыг хичээлийн цагаар гар утас хэрэглэхгүй байх тушаал гаргажээ.
Хүүхэд хамгааллын болон боловсролын тухай хууль, эцэг эхчүүдээс ирсэн хүсэлтийг үндэслэн, цахим хэрэгслийн зохисгүй хэрэглээний сөрөг үр дагавраас урьдчилан сэргийлэх, сургалтын чанарыг сайжруулах зорилгоор тушаал гаргасан байна. Тушаал 10-р сарын нэгнээс хэрэгжиж эхэлнэ.
Сайдын тушаалд зааснаар өмчийн бүх хэлбэрийн сургуулийн захиралд үүрэг болгосон байна. Жишээ нь хүүхдийг цахим хэрэгсэлд донтох байдлаас хамгаалах, сурагчид цахим сүлжээ, гар утас, бусад цахим хэрэглээнээс хамаарч гэмт халдлага, хүчирхийллийн хохирогч болох, нийгмийн аливаа хорт зуршлын нөлөөнд автахаас урьдчилан сэргийлэх, сурагчдын хэрэглэж буй гар утас, цахим хэрэгслийн ялгаатай байдлын улмаас үүсэх тэгш бус байдал, харилцааны зөрчил үүсэхээс хамгаалах зэрэг бусад зүйлүүдийг заажээ.
Боловсролын салбарт ийм зохицуулалт хийснээр хичээлийн цаг илүү үр бүтээлтэй болж, сурагчдын эрүүл мэндэд сайнаар нөлөөлөх давуу талтай юм байна. Мөн энэхүү тушаал нь зөвхөн ухаалаг утас биш, бүх төрлийн гар утсанд хамааралтай гэдгийг БСШУСЯ-ны хэвлэлийн албанаас мэдээлжээ.
Архангай аймаг
Архангай аймаг
Иргэдийн Төлөөлөгчдийн Хурал Иргэдийн Төлөөлөгчдийн ХуралБАГШ, СУРАГЧДЫГ ГАР УТАС ХЭРЭГЛЭХИЙГ ХОРИГЛОЛОО
2016-11-26
