Архангай аймаг

Архангай аймаг

Иргэдийн Төлөөлөгчдийн Хурал Иргэдийн Төлөөлөгчдийн Хурал

"ЗӨВ АМЬДРАЛ ӨӨД..." сургалт гурав дахь төгсөлтөө хийв

2016-12-14

Аймгийн ИТХ-ын дэргэдэх Гэмт хэргээс урьдчилан сэргийлэх ажлыг зохицуулах зөвлөл, аймгийн ЗДТГ, Эрүүл мэндийн газар, “Аз жаргалын эрэлд” ТББ хамтран итгэлцлийн гэрээ хийж, өөрийнхөө хүсэлтээр архины асуудлаа шийдвэрлэх иргэн, гэр бүлд зориулсан сургалт эмчилгээг цувралаар зохион байгуулж байна.

“Архигүй Монгол хүн” хөтөлбөрийн хүрээнд зохион байгуулж буй “Зөв амьдрал” бичил төслийг “Аз жаргалын эрэлд” ТББ удирдан явуулж архины хамааралтай иргэдийг сэтгэлзүйн болон эмийн эмчилгээнд хамруулан тэднийг нийгэмшүүлж байгаа бөгөөд гуравдахь удаагаа эдгэрэлийн баяраа хийж байна.

Эдгэрэлийн баярт аймгийн Засаг даргын нийгмийн бодлого, төсөл хөтөлбөр хариуцсан орлогч А.Түвшинбат, аймгийн ЗДТГ-ын Хууль эрхзүйн хэлтсийн дарга Л.Алтанчимэг, ТЗУХ-ийн дарга П.Баярсайхан нарын хэлтэс агентлагийн удирдлагууд оролцож, сургалтанд хамрагдсан иргэд, тэдний гэр бүлийнхэнтэй уулзалт хийв. Энэ удаагийн сургалтанд нийт 19 иргэн хамрагдсан байна.

“Аз жаргалын эрэлд” ТББ нь 2012 оноос эхлэн үйл ажиллагаагаа явуулж 160 гаруй иргэдийг сургалтанд хамруулжээ. Тус байгууллага архинаас хамааралтай иргэдийг өөрийнх нь хүсэлтээр сэтгэлзүйн болон эмийн эмчилгээнд үнэ төлбөргүйгээр хамруулдаг учраас санхүүгийн дэмжлэг ихээхэн хэрэгтэй байдаг байна. Мөн эдгэрээд гарч байгаа хүмүүсийг ажлын байраар хангахад орон нутгаас анхаарч өгөхийг аймгийн удирдлагуудаас хүссэн юм.

Анхны сургалтыг Дэлхийн зөн олон улсын байгууллагаас санхүүжүүлсэн бол дараагийн 2 дахь удаагийн сургалтыг аймгийн Засаг даргын нөөц сангаас санхүүжүүлсэн байна. Мөн аймгийн ЭМГ-аас ажлын байр гаргаж өгсөн, аймгийн Засаг даргын дэмжлэгээр бүсийн зөвлөгөөнд оролцоод иржээ.

“Аз жаргалын эрэлд” ТББ-ын үйлчлүүлэгчид Ширээ нурууны гүүрний авто замын цасыг арилгаж, нийгэмдээ тустай үйлд гар бие оролцсон байна. Цаашид уг замын хэсгийг байнга цэвэрлэж байхаа энэ үеэр илэрхийллээ.

Х.СОЁЛ-ЭРДЭНЭ

Мал эмнэлгийн ажил үйлчилгээний хөлсний үнийн талаар саналаа өгнө үү. Мал, амьтны эрүүл мэндийн тухай хуулийн 34 дүгээр зүйлийн 34.5 “Орон нутгийн төсвийн хөрөнгөөр гүйцэтгэх мал эмнэлгийн үйлчилгээний зардлын нормативыг аймаг, нийслэлийн мал эмнэлгийн газрын саналыг үндэслэн аймаг, нийслэлийн иргэдийн Төлөөлөгчдийн Хурал батална. Үүнд: Архангай аймгийн Мал эмнэлгийн газар орон нутгийн санхүүжилтээр хийгдэх мал эмнэлгийн үйлчилгээний жишиг үнийг шинэчлэх төслийг холбогдох эрх бүхий байгууллагад хүргүүлэхээр ажиллаж байна. Иймд мал эмнэлгийн үйлчилгээний нэгж болон эрх ашигт нөлөөлөх талуудыг захиргааны хэр хэмжээний актын төсөлд санал өгч хамтран ажиллахыг хүсье.

санал өгсөн: 53
51 / 96%
2 / 4%