Гэмт хэргээс урьдчилан сэргийлэх аймгийн зохицуулах зөвлөл, Аймгийн Засаг даргын Тамгын газрын Хууль эрх зүйн хэлтэс хамтран тус зөвлөгөөнийг зохион байгуулж, Аймгийн Иргэдийн Төлөөлөгчдийн Хурлын дарга Ц.Энхбат, аймгийн Засаг дарга Ж.Батжаргал, аймгийн Засаг даргын Тамгын газрын Хууль эрх зүйн хэлтсийн дарга М.Мэндсүрэн тэргүүтэй 27 сумдын ИТХ-ын дарга, Засаг дарга, Хууль эрх зүйн мэргэжилтэн, хэсгийн төлөөлөгч нар оролцож байна. “Гэмт хэргээс урьдчилан сэргийлэх, ажлын үр нөлөөг дээшлүүлэх нь” сэдэвт зөвлөгөөнийг нээж аймгийн ИТХ-ын дарга бөгөөд Гэмт хэргээс урьдчилан сэргийлэх аймгийн зохицуулах зөвлөлийн дарга Ц.Энхбат үг хэллээ.