Монгол улсын Засгийн газраас “ЭЛЭГ БҮТЭН МОНГОЛ” бодлогыг хэрэгжүүлж, 2020 он гэхэд элэгний С вирустай иргэнгүй болох, мөн элэгний өвчтэй иргэдийн тоог 50%-иар бууруулах зорилт тавин ажиллаж байгаа юм.
Энэ бодлогыг Төв аймгийн Засаг даргын Тамгын газраас “Элэг бүтэн Төв аймагчууд” уриан дор “Оном” сантай хамтран энэ сарын 18-ны өдрөөс албан ёсоор хэрэгжүүлж эхлэлээ. “Элэг бүтэн Төв аймагчууд” хөтөлбөрийн нээлтэнд аймгийн ИТХ-ын дарга Ц.Энхбат, аймгийн Засаг дарга Ж.Батжаргал, аймгийн ЗДТГ-ын дарга Ч.Сарангэрэл, “Оном” сангийн төлөөлөн удирдах зөвлөлийн дарга, ШУ-ны доктор Д.Наранбаатар нар оролцлоо. Хөтөлбөрийг нээж аймгийн Засаг дарга Ж.Батжаргал нээж үг хэлж, “Оном” сангийн төлөөлөн удирдах зөвлөлийн дарга, ШУ-ны доктор Д.Наранбаатар “ЭЛЭГ БҮТЭН МОНГОЛ” хөтөлбөрийг танилцууллаа.
“Элэг бүтэн Төв аймагчууд” хөтөлбөрийн хүрээнд аймгийн нэгдсэн эмнэлэгт “Элэгний эмчилгээний зөвлөх төв”-ийг шинээр нээв. Мөн элэгний өвчлөлийн үед хэрэглэх эм бэлдмэлүүдийг эмийн сангуудаар дамжуулан даатгалд хамрагдсан иргэдэд хөнгөлөлттэй үнээр худалдаалахаар болжээ.