Говь нутгийнхаа ард иргэдийг төлөөлөн БНМАУ-ын Ардын Их Хурлын депутатаар сонгогдон Үндсэн хууль батлалцах эрхэм хүндтэй үйл хэрэгт оюун ухаан, мэдлэг чадвараа дайчлан гар бие оролцож Монгол Улсын Үндсэн хуулийг батлалцан хуулиа сурталчлах, хэрэгжүүлэх үйл хэрэгт үнэтэй хувь нэмрээ оруулж байгаа Д.Даргахүү, Б.Зандраа, Ж.Буд нарт аймгийн Иргэдийн Төлөөлөгчдийн Хурал, Засаг даргын Тамгын газраас Монгол Улсад ардчилсан шинэ Үндсэн хууль батлагдсаны 25 жилийн ойн баярын мэнд хүргэж, хүндэтгэл үзүүллээ.

            Мөн АИХ-ын депутат, аймгийн Иргэдийн Төлөөлөгчдийн Хурлын анхны дарга Д.Даргахүү Монгол Улсын Гавъяат эдийн засагч цол тэмдэгээр шагнагдсан Өмнөговьчуудынхаа өмнөөс гүн талархал илэрхийлж цаашдынх нь ажил амьдралд сайн сайхан бүхнийг хүсэн ерөөлөө.