Монгол цэргийн өдөр Зэвсэгт хүчний 96 жилийн ойн баярыг тохиолдуулсан Цэргийн гавъяаны Улаан тугийн одонт Ардын Хатанбаатар Магсаржавын нэрэмжит Зэвсэгт хүчний 123-р ангийн ёслолын жагсаал Ховд аймгийн төв талбайд боллоо. Энэхүү ёслолын жагсаалд Ховд аймгийн ИТХ-ын дарга Г.Пүрэвганди, аймгийн Засаг дарга Д.Галсандондог зэрэг аймгийн удирдлагуудаас гадна Монгол УИХ-ын гишүүн Д.Гантулга оролцож, Монгол цэргийн өдрийн мэндчилгээ дэвшүүллээ.  Монгол цэргийн өдөр Зэвсэгт хүчний 96 жилийн ойн баярын ёслолын жагсаалын үеэр Монгол улсынхаа төлөө өргөсөн тангарагтаа үнэнчээр зүтгэж, үүргээ нэр төртэй биелүүлж яваа алба хаагчдыг шагнаж, хөдөлмөр зүтгэлийг нь үнэллээ. Мөн энэ үеэр Цэрэгжилтийн спортын "ДӨЛ" тоглолтонд амжилттай оролцож байр эзэлсэн сурагчдын шагналыг гардуулж баяр хүргэлээ.