ДЭМБ-ын Монгол дахь суурин төлөөлөгч Доктор Су Нюунт У Төв аймагт ажиллах үеэр Аймгийн удирдлагууд хүлээн авч санал бодлоо солилцон, хүндэтгэл үзүүлээ.

Уулзалтад суурин төлөөлөгчийн газрын мэргэжилтнүүд, ХӨСҮТ-ийн захирал Нямхүүгээр ахлуулсан ажлын хэсэг, ЭМЯ-ны холбогдох мэргэжилтнүүд болон аймгийн Засаг дарга Ж.Батжаргал, ЗДТГ-ын дарга Ч.Сарангэрэл, НБХ-ийн дарга Д.Мөнхцэцэг, ЭМГ-ын дарга С.Мөнхтуяа мөн ЭМГ-ын хэлтсийн дарга, мэргэжилтнүүд, Тогтолцоог бэхжүүлэх дэд хөтөлбөрийн салбар дундын ажлын хэсгийн гишүүд оролцлоо.

Энэ удаагийн уулзалтаар Төв аймаг болон ДЭМБ хоорондын хамтын ажиллагаа, 2016 онд Төв аймагт ДЭМБ-ын 50 мянган долларын санхүүжилтээр хийгдсэн Сум баг бүрт хүрч үйлчилье төсөл болон Эрүүл мэндийн тогтолцоог бэхжүүлэх дэд хөтөлбөрийн талаар танилцуулга хийж, санал солилцлоо.

Мөн Борнуур сумын эрүүл мэндийн төвд ДЭМБ-аас хүлээлгэн өгсөн зөөврийн Таблет бүхий эхо, ЭКГ, даралтын аппаратын ашиглалтын талаар мэдээллийг танилцууллаа.

Уулзалтын үеэр ДЭМБ-ын Монгол дахь суурин төлөөлөгч Доктор Су Нюунт У-д хүндэтгэл үзүүлж, ЭМГ-ын хүндэтгэлийн дэвтэрт сэтгэгдэл үлдээн, Аймгийн Засаг даргын Хүндэт тэмдгээр шагналаа.

Цаашид ДЭМБ болон Төв аймаг хооронд хэрхэн хамтан ажиллах талаар Доктор Су Нюунт У танилцуулж, ДЭМБ-аас Донор байгууллагууд руу бичиж буй Эрүүл мэндийн байгууллагуудыг зөөврийн оношилгооны аппаратыг сайжруулах болон техник аргазүйн дэмжлэг үзүүлэх төслүүдэд Төв аймгийн сумдын Эрүүл мэндийн төвүүдийг үе шаттайгаар хамруулах талаар мэдэгдсэн.