Увс аймгийн ИТХ-ын дэргэдэх Гэмт хэргээс урьдчилан сэргийлэх ажлыг зохицуулах салбар зөвлөл, аймгийн Прокурорын газар, аймгийн Цагдаагийн газраас хамтран “Увс аймагт гэмт хэрэг, зөрчлөөс урьдчилан сэргийлэх ажлыг сурталчлах нэгдсэн өдөрлөг” арга хэмжээг Маршал Ю.Цэдэнбалын нэрэмжит төв талбайд зохион байгууллаа.
Хүний эрх эрх чөлөөг төр хуулийн этгээдийн хууль ёсны ашиг сонирхлыг гэмт халдлагаас хамгаалах, нийгмийн дэг журмыг бэхжүүлэх, иргэний ухамсар соёлыг төлөвшүүлэх иргэдэд гэмт хэрэг, зөрчлөөс урьдчилан сэргийлэх мэдээ мэдээллийг түгээх, зөвлөн туслах хууль зүйн зөвлөгөө өгөх зорилготой энэхүү арга хэмжээ нь Увс аймгийн 19 суманд нэгэн зэрэг зохион байгуулагдаж байгаа юм.
