Архангай аймаг
Архангай аймаг
Иргэдийн Төлөөлөгчдийн Хурал Иргэдийн Төлөөлөгчдийн ХуралЦагаан сарын баярт зориулсан хүчит бөхийн барилдаан боллоо
2016-02-05
ХVII жарны “Муу нүүрт” хэмээх гал бичин жилийн сар шинийн барилдааныг Цогтцэций сумын Иргэдийн Төлөөлөгчдийн хурал, Засаг даргын Тамгын газар, “Тавантолгой” ХК хамтран 2016 оны 02 сарын 05-ны өдөр зохион байгууллаа. Тус барилдаанд нийт 32 бөх уран мэхээ уралдуулан хүчийг үзэн барилдсанаас Өмнөговь аймгийн Хүрмэн сумын харьяат Ажнай дэвжээний бөх А/а Ш.Дарханбат түрүүлж, Өмнөговь аймгийн Баяндалай сумын харьяат А/н Т.Төгсдөлгөөн үзүүрлэж, шөвгийн дөрөвт Өмнөговь аймгийн Номгон сумын харьяат А/х М.Адьяахүү, Ховд аймгийн Чандмань сумын харьяат “Вагнер Ази” ХХК-ийн бөх С/з Б.Баттүвшин нар шөвгийн дөрөвт үлдэж үзэгч түмнээ баярлууллаа. Барилдааны үеэр сумын Иргэдийн Төлөөлөгчдийн Хурлын нэрэмжит шагнал “2015 оны Тэргүүн байгууллага”-аар шалгарсан Тавантолгой ХК-ийн шагналыг сумын ИТХ-ын дарга Ц.Мөнхдэлгэр гардуулан өглөө. Хүчит бөхийн барилдааны хүндэт зочноор У/н Б.Шоовдор, А/з н.Чүлтэм, А/н Ц.Баатар, Сэврэй сумын ИТХ-ын дарга Х.Отгонмөнх, Засаг дарга Б.Батсайхан Засаг даргын орлогч н.Огтбиш нар ирж оролцлоо.
