"Хариуцлагатай сонгогч" оролцооны сургалтыг Бүрэгхангай суманд 2023 оны 09 дүгээр сарын 14-15-ны өдрүүдэд зохион байгуулав.

МОНГОЛ УЛСЫН ЗАСГИЙН ГАЗРЫН ТОГТООЛ 2023 оны 06 сарын 21 өдөр Дугаар 238 Улаанбаатар хот ИТГЭЛЦҮҮР ШИНЭЧЛЭН ТОГТООХ, ТОГТООЛД ӨӨРЧЛӨЛТ ОРУУЛАХ ТУХАЙ Нийгмийн даатгалын сангаас олгох тэтгэвэр, тэтгэмжийн тухай хуулийн 5 дугаар зүйлийн 6 дахь хэсэг, Нийгмийн даатгалын тухай хуулиудыг хэрэглэх журмын тухай хуулийн 32 дугаар зүйлийн 1 дэх хэсэг, Нийгмийн даатгалын тухай хуулийн 15 дугаар зүйлийн 7 дахь хэсгийг тус тус үндэслэн Монгол Улсын Засгийн газраас ТОГТООХ нь: 1.Нийгмийн даатгалын сангаас олгох тэтгэвэр, тэтгэмжийн тухай хууль, Цэргийн алба хаагчийн тэтгэвэр, тэтгэмжийн тухай хууль, Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хуульд заасны дагуу тэтгэвэр бодоход баримтлах цалингийн итгэлцүүрийг хавсралт ёсоор шинэчлэн тогтоосугай. 2.Нийгмийн даатгалын сангаас олгох тэтгэвэр, тэтгэмжийн тухай хууль, Цэргийн алба хаагчийн тэтгэвэр, тэтгэмжийн тухай хууль, Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хуульд заасны дагуу иргэний тэтгэвэр бодоход баримтлах цалингийн итгэлцүүрийг шинэчлэн тогтоосонтой холбогдуулан иргэдийн авч байгаа тэтгэврийг дахин бодож, авч байгаа болон дахин бодогдсон тэтгэврийн аль өндөр хэмжээгээр нь шинэчлэн тогтоох, эсхүл хэвээр үлдээх арга хэмжээ авахыг Нийгмийн даатгалын ерөнхий газарт даалгасугай. 3."Нийгмийн даатгалын шимтгэл төлөх, тэтгэвэр, тэтгэмж тогтооход баримтлах сарын хөдөлмөрийн хөлсний дээд хэмжээг тогтоох тухай" Засгийн газрын 2017 оны 9 дүгээр сарын 13-ны өдрийн 251 дүгээр тогтоолын 3 дахь заалтыг "Даатгуулагчид нийгмийн даатгалын сангаас олгох тэтгэвэр, тэтгэмж тогтоох, цэргийн алба хаагчийн тэтгэвэр тогтоох сарын хөдөлмөрийн хөлс, түүнтэй адилтгах орлогын дээд хэмжээг 2013 оны 9 дүгээр сарын 1-ний өдрийг хүртэлх хугацаанд 1,404,000.0 (нэг сая дөрвөн зуун дөрвөн мянга) төгрөгөөр, мөн өдрөөс хойших хугацаанд Хөдөлмөр, нийгмийн түншлэлийн гурван талт Үндэсний хорооноос баталсан тухайн үеийн сарын хөдөлмөрийн хөлсний доод хэмжээг 10 дахин нэмэгдүүлсэнтэй тэнцүү байхаар тус тус тооцсугай." гэж өөрчлөн найруулсугай. 4.Энэ тогтоол гарсантай холбогдуулан "Нийгмийн даатгалын сангаас олгох тэтгэвэр бодох цалингийн итгэлцүүр, тэтгэврийн доод хэмжээг шинэчлэн тогтоох тухай" Засгийн газрын 2012 оны 5 дугаар сарын 2-ны өдрийн 153 дугаар тогтоол, "Тэтгэврийн хэмжээг нэмэгдүүлэх, тэтгэврийн доод хэмжээ болон цалингийн итгэлцүүрийг шинэчлэн тогтоох тухай" Засгийн газрын 2014 оны 1 дүгээр сарын 18-ны өдрийн 15 дугаар тогтоол, "Тэтгэврийн хэмжээг нэмэгдүүлэх тухай" Засгийн газрын 2015 оны 2 дугаар сарын 9-ний өдрийн 52 дугаар тогтоолыг тус тус хүчингүй болсонд тооцсугай. 5.Энэ тогтоолыг 2023 оны 07 дугаар сарын 01-ний өдрөөс эхлэн дагаж мөрдсүгэй. МОНГОЛ УЛСЫН ЕРӨНХИЙ САЙД Л.ОЮУН-ЭРДЭНЭ ХӨДӨЛМӨР, НИЙГМИЙН ХАМГААЛЛЫН САЙД Х.БУЛГАНТУЯА

Сумын Иргэдийн Төлөөлөгчдийн Хурлын 8 дахь удаагийн сонгуулийн 16 дугаар хуралдаан 2023 оны 06 дугаар сарын 26-ны өдөр зохион байгуулагдлаа. Хуралдаанаар: 1.Сумын төсвийн ерөнхийлөн захирагчийн 2022 оны төсвийн гүйцэтгэл, санхүүгийн нэгтгэсэн тайлангийн дүн Илтгэгч: Сумын ЗДТГ-ын Санхүү албаны даргын үүргийг түр орлон гүйцэтгэгч С.Анхцэцэг 2.Сумын ИТХ-ын шийдвэрийн хэрэгжилтийн тайланг хэлэлцэж, үнэлэлт, дүгнэлт өгөх тухай Илтгэгч: Сумын ЗДТГ-ын хууль, эрх зүйн мэргэжилтэн П.Чанцалдулам 3.Сумын Засаг даргын “Ирээдүйд тэмүүлсэн хот” хөтөлбөрийн 2023 оны эхний хагас жилийн хэрэгжилтийн тайланг хэлэлцэж, үнэлэлт, дүгнэлт өгөх тухай Илтгэгч: Сумын ЗДТГ-ын Хөгжлийн бодлогын мэргэжилтний үүргийг түр орлон гүйцэтгэгч Б.Оюунбат 4.Сумын газар зохион байгуулалтын 2023 оны төлөвлөгөөний биелэлтийн явц хэлэлцэх тухай Илтгэгч: Сумын ЗДТГ-ын газрын даамал Г.Солонго 5.Архив, албан хэрэг хөтлөлтийн талаарх хууль тогтоомжийг хэрэгжүүлэх ажлыг харьяа нутаг дэвсгэртээ зохион байгуулж буй ажлын тайланг хэлэлцэх тухай Илтгэгч:Сумын ЗДТГ-ын архив, бичиг хэргийн эрхлэгч Б.Ариунтунгалаг 6.Нутаг дэвсгэртээ аялал жуулчлалын талаарх төрийн бодлого, хууль тогтоомжийн биелэлтийн талаарх Засаг даргын тайланг хэлэлцэж, дүгнэх тухай Илтгэгч:Сумын ЗДТГ-ын Хөдөө аж ахуйн тасгийн дарга Г.Нарангэрэл 7.Булган сумын нутаг дэвсгэрийн замын хөдөлгөөний аюулгүй байдлыг хангах талаар Засаг даргаас зохион байгуулсан ажлын тайланг хэлэлцэж, үнэлэх тухай Илтгэгч: Сумын ЗДТГ-ын хууль, эрх зүйн мэргэжилтэн П.Чанцалдулам 8.Сумын иргэдийн Төлөөлөгчдийн Хурлын хуралдааны үеэр гарсан санал шүүмжлэлийн мөрөөр авсан арга хэмжээ хэрэгжилтийг сонсох тухай Илтгэгч: Сумын ЗДТГ-ын дарга Ч.Балдандорж 9.Булган сумын газар зохион байгуулалтын 2023 оны төлөвлөгөөнд нэмэлт өөрчлөлт оруулах тухай Илтгэгч: Сумын ЗДТГ-ын газрын даамал Г.Солонго 10.Гэр бүлийн хэрэгцээний зориулалтаар 2024 онд өмчлүүлэх газрын байршил хэмжээг батлуулах тухай Илтгэгч: Сумын ЗДТГ-ын газрын даамал Г.Солонго 11.“Хүнсний аюулгүй байдлын орон тооны бус зөвлөл”-ийн хагас жилийн ажлын тайланг хэлэлцэх тухай Илтгэгч:Сумын ЗДТГ-ын Хөдөө аж ахуйн тасгийн дарга Г.Нарангэрэл 12.Олон нийтийн байцаагчийн орон тоог батлах тухай Илтгэгч: Сумын ЗДТГ-ын хууль, эрх зүйн мэргэжилтэн П.Чанцалдулам зэрэг асуудлуудыг хэлэлцэн шийдвэрлэв.

Сумын ИТХ-ын Зөвлөлийн хуралдаан 2023 оны 05 дугаар сарын 30-ны өдөр болов. -Сумын ИТХ-ын 2023 оны 2 дугаар улирлын ээлжит хуралдаанаар хэлэлцэх асуудал, илтгэгчдийг батлах тухай, -Хуралдаанаар хэлэлцэх асуудлыг хороодод хувиарлаж, хороодын хуралдааныг хуваарийг батлах тухай, -ИТХ-ын 2023 оны 02 дугаар улирлын хуралдааны товыг тогтоож, зарлах тухай, -Сумын ИТХ-ын дарга асан Ч.Лхагвааг Ардын Хатанбаатар С.Магсаржавын нэрэмжит шагналаар шагнуулахаар тодорхойлж, аймгийн ИТХ-д уламжлах тухай зэрэг асуудлуудыг хэлэлцэн шийдвэрлэв.

Монгол Улсын Засгийн гарын 2023 оны 05 дугаар сарын 09-ний өдрийн 173 дугаар тогтоолоор Улсын тэмдэгтийн хураамжийн хэмжээг шинэчлэн тогтоосон байна.

Нэгдсэн Үндэсний Байгууллагын Хөгжлийн хөтөлбөрийн хэрэгжүүлж буй “Шийдвэр гаргах түвшинд жендэрийн тэгш байдал, эмэгтэйчүүдийн оролцоог дэмжих нь” төслийн хүрээнд Хишиг-Өндөр сумын Ерөнхий боловсролын сургуулийн 11-12 дугаар ангийн сурагчдад Монгол Улсын Үндсэн хуулиар баталгаажсан сонгох ба сонгогдох эрхээ хэрэгжүүлэхэд нь шаардлагатай чадварыг эзэмшүүлэх зорилгоор Сонгуулийн Ерөнхий хорооноос ирүүлсэн “Хариуцлагатай сонгогч” оролцооны сургалт зохион байгуулах ажлын удирдамжийн дагуу Булган сумын ИТХ-ын нарийн бичгийн дарга Д.Нарангэрэл, Булган аймгийн ЗДТГ-ын Хууль, эрх зүйн хэлтсийн ахлах мэргэжилтэн Ж.Оюунгэрэл хамт 2023 оны 05 дугаар сарын 11-12-ны өдрүүдэд нийт 2 өдрийн сургалтыг 3 модулийн 9 сэдвийн хүрээнд сургалт зохион байгуулав.

Нэгдсэн Үндэсний Байгууллагын Хөгжлийн хөтөлбөрийн хэрэгжүүлж буй “Шийдвэр гаргах түвшинд жендэрийн тэгш байдал, эмэгтэйчүүдийн оролцоог дэмжих нь” төслийн хүрээнд Улсын тэргүүний Хутаг-Өндөр сумын Ерөнхий боловсролын сургуулийн 11-12 дугаар ангийн сурагчдад Монгол Улсын Үндсэн хуулиар баталгаажсан сонгох ба сонгогдох эрхээ хэрэгжүүлэхэд нь шаардлагатай чадварыг эзэмшүүлэх зорилгоор Сонгуулийн Ерөнхий хорооноос ирүүлсэн “Хариуцлагатай сонгогч” оролцооны сургалт зохион байгуулах ажлын удирдамжийн дагуу Булган сумын ИТХ-ын нарийн бичгийн дарга Д.Нарангэрэл, Булган аймгийн ЗДТГ-ын Хууль, эрх зүйн хэлтсийн ахлах мэргэжилтэн Ж.Оюунгэрэл хамт 2023 оны 04 дугаар сарын 27-28-ны өдрүүдэд нийт 2 өдрийн сургалтыг 3 модулийн 9 сэдвийн хүрээнд сургалт зохион байгуулав.

Аймгийн ИТХ-ын 2023 оны 01 дүгээр сарын 24-ний өдрийн хуралдааны XIII/03 тогтоолоор батлагдсан хөтөлбөрийг толилуулж байна.

Булган сумын иргэдийн Төлөөлөгчдийн Хурлын 2023 оны 1 дүгээр улирлын ээлжит хуралдаан 2023 оны 03 дугаар сарын 23-ны өдөр амжилттай болэж өндөрлөлөө. Хуралдаанаар: - Булган сумын Шимэгчтэх өвчнөөс эмчлэн сэргийлэх үйл ажиллагааны 2022 оны төлөвлөгөөний биелэлт, 2023 оны төлөвлөгөө батлах тухай, - Мод бэлтгэлийн 2023 оны хуваарь батлах тухай, - Булган сумын ой хээрийн түймрээс хамгаалах 2022 оны ажлын төлөвлөгөөний биелэлт, 2023 оны төлөвлөгөө батлах тухай, - Шилэн дансны тухай хуулийн хэрэгжилтийн тухай /2022 оны жилийн эцсийн байдлаар/, - Булган сумын Эрүүл мэнд, боловсролын салбарт 2022 онд хэрэгжсэн төсөл, хөтөлбөрийн хэрэгжилтийн тайланг сонсож, хэлэлцэх тухай, - Хоршоо хөгжүүлэх сангийн хөрөнгөөр 2022 онд хэрэгжүүлсэн төсөл, арга хэмжээний тайланг сонсож хэлэлцэх тухай, - Булган сумын ХАА-н болон төв, суурингийн 2022-2023 оны өвөлжилтийн бэлтгэл ажлын явцын тайланг хэлэлцэж, үнэлэлт дүгнэлт өгөх тухай, - Сумын ИТХ-ын өмнөх улирлын хуралдааны үеэр гарсан санал шүүмжлэлийн хэрэгжилтийг сонсох тухай, - Иргэдийн Төлөөлөгчдийн Хурлын “Хог хаягдлын нэгж тарифыг баталж, үйлчилгээний хураамжийн хэмжээг шинэчлэн тогтоох тухай” 2022 оны 12 дугаар сарын 15-ны өдрийн хуралдааны XIII/05 тогтоолыг хүчингүй болгох тухай, - Булган сумын 2023 оны батлагдсан төсөвт өөрчлөлт оруулах асуудлыг хэлэлцэх тухай, - Хурлын Зөвлөлийн бүрэлдэхүүнийг шинэчлэх эсэх асуудлыг хэлэлцэх тухай зэрэг асуудлуудын хэлэлцэн шийдвэрлэлээ.